Күзгі бал

Мектебімізде “Алтын күз” мерекесі көңілді де ерекше түрде аталып өтті. Бұл күні мектеп ішін күздің сары бояуына бөлеген әдемі безендірулер мен көрмелер сән берді. Әр сынып өз бұрышын түрлі жеміс-жидектермен, көкөністермен және күзгі жапырақтармен әсемдеп безендірді.Мерекелік іс-шарада оқушылар күз туралы өлеңдер оқып, әсем әндер шырқап, көңілді билер биледі. Сонымен қатар, мерекеде табиғаттың әсемдігін, еңбектің қадірін ұлықтайтын көріністер қойылып, көрермендерге тамаша әсер сыйлады. Мұғалімдер мен ата-аналар да іс-шараға қатысып, балалардың өнерін қуана тамашалады.

Бұл мереке оқушыларды ұйымшылдыққа, еңбекқорлыққа, табиғатты аялауға және әдемілікті бағалай білуге тәрбиеледі. “Алтын күз” – мектебіміздегі ең жарқын, көңілді және есте қаларлық мерекелердің бірі болды.